لأ لأ ماينفعش !!!!!

ماذا تفعل فى وقت فراغك؟ دا إذا كان عندك وقت أصلاً

يا جماعة السلام عليكم

شوف يا ابنى.... شوفى يا بنتى.... أنا شايفه إن إحنا
فى كليتنا وقتنا ضيق "أضيق من خلق واحد عصبى!!!" وكمان صعب موت إنك تتلم على ساعتين على بعض

عشان كدا مش لاحقين نذاكر!! اسألونى ليه؟

ليه يا فالحه؟...

أقول لكم ليه:
أول حاجه الواحد فينا بيرجع البيت "على الأقل" الساعة 3.30 اتنوا فاهمين وقفة الكلية واللكاعة بقة!!
وساعة الحق ماتتعوضش...

تانى حاجة بترجع جعان ومفرهض، يادوب تاخد دوش سريع وتضرب لقمة سريعة برده
وتلاقى الساعه 5 طبعاً السرعه دى سببية ولازم تدى كل حاجة حقها علشان ربنا يكرمك

وبعد كدا حرام تنام من غير ما ترفه عن نفسك وتلاقى الساعه كام؟
تلاقى الساعه 7 ، طيب اكيد هتبقى مرهق ذهنياً ومحتاج لراحة بتاع 3 ساعات كمان،
تقوم من النوم على 9.30 على اعتبار انك لقيت ماتش كورة أو فيلم حلو فى التليفزيون يبقى تتفرج طبعا

بعديها تقوم جعان أو الكمبيوتر طبعا وتقوم تتعشى، تقعد تذاكر بقه!!! ادى المذاكرة حقها!!
تعمل جدول زى اللى كنت بتعمله فى الأبتدائية علشان تقدر تركز وتحدد هدفك تمام؟!!!

وتبص تلاقى الساعه بقت 1 صباحاً وانت غلبان عندك كلية الصبح بدرى
ومتضغطش على نفسك!! سامعنى أنا بعيدها تانى ما تضغطش على نفسك!!
وتتوكل على الله وتنام، علشان ربنا يقدرك على اليوم الطويل ده، وأديك شفت قد إيه بنتبهدل

بس خلى بالك تانى يوم ماتنساش تعمل جدول جديد عشان كده فيه يوم راح من الجدول القديم من غير ما تعمل حاجه... عشان تبقى منظم كده...

واشوفك كده فى الFINAL هاهاهاهااااى وكما يقول السيد المحترم:

وما نيل المطالب بالتمنى لكنا لا نعرف كيف تنال